Disa këshilla të vogla

Për ti shfrytëzuar sa më mirë të bukurat që na i dhuron natyra, e që mund ti qesim në pjatë, përmbahuni disa këshillave të poshtëshënuara:

Preferohet që të gjitha pemët dhe perimet, edhe ato që u qërohet lëkura si banania dhe portokalli, të pastrohen me ujë sa më mirë me kusht që të largohen bakteret, pesticidet dhe insektet e mundshme.

Preferohet që pemët dhe perimet mos ti mbani shumë në ujë sepse vitaminat e tretshme në ujë do humbin pa nevojë.

Zierja të jetë sa më e shkurtë dhe të përdoret sa më pak ujë.

Është me rëndësi që në ushqim të përdorni pemë dhe perime me ngjyra dhe lloje të ndryshme sepse çdo ngjyrë e tyre përmban sasi të konsiderueshme të materieve ushqyese të cilat ndikojnë pozitivisht në organizmin dhe shëndetin tonë.

Hulumtime kanë treguar se personat të cilët kanë konsumuar pemë dhe perime në sasi pak më të madhe në fëmijëri, ata i konsumin prapë ato në të njëjtën mënyrë. Në shumicën e shteteve janë organizuar kampanja me titull 5 në ditë, ku është promovuar servisimi i pesë pemëve dhe perimeve në ditë. Rezultatet kanë treguar se kampanja ka qenë shumë e suksesshme dhe rezultatet kanë qenë shumë të mira. Është konstatuar se një numër i madh i fëmijëve kanë filluar të konsumojnë sasi të konsiderueshme të pemëve dhe perimeve gjatë ditës.