Receta, pak mish për të jetuar më gjatë

15.07.2006

Hani pak ose aspak mish, për të jetuar më gjatë. Këshilla vjen nga një grup shkencëtarësh gjerman të Qendrës kombëtare për kërkimet mbi kancerin (Dkfz) të Heidelberg, sipas të cilës, nëse ndiqni një dietë vegjetariane të balancuar, mund të ulni rrezikun për t’u prekur nga tumoret apo sëmundjet kardiovaskulare, të ulet niveli i kolesterolit në gjak, të shmangni formimin e gurëve në veshka apo në tëmth, të mbani larg diabetin dhe hipertensionin.

Në studim, ekspertët gjermanë kanë monitoruar, që nga viti 1978 në 1999, 2000 persona të moshave nga 10 deri në 70 vjeç, që hanin pak ose aspak mish, në krahasim me popullsinë në përgjithësi. Grupi i vëzhguar përbëhej nga vegjetarianë absolutë, të ashtuquajturit “vegans”, që nuk hanë mish, peshk, vezë, vegjetarianët që hanë vezë dhe bulmetra dhe në konsumatorët perëndimorë të mishit. Ekspertët kanë regjistruar në brendësi të grupit që kishin në vëzhgim, një mesatare prej 59 vdekjesh në çdo 100 persona të popullsisë së përgjithshme, në të njëtin hark kohor dhe në të njëjtin brez moshor.

“Por, -paralajmërojnë studiuesit,- një dietë me mungesë absolute mishi nuk është më e shëndetshmja. Për çdo 100 vdekje mes 'vegans', janë regjistruar 66 mes vegjetarianëve “të plotë” dhe vetëm 60 ndër ata që i lejonin vetes ndonjë biftek herë pa here. Niveli i vdekshmërisë ishte më i lartë mes duhanpirësve, e më pak se 30% mes atyre që merreshin me aktivitet fizik”.