08.09.2006

Kompania BASF ka lajmëruar se ka zbuluar  një lloj të ri të Lactobacillus i quajtur L-anti-karies i cili normalisht gjendet tek jogurti i freskët dhe i cili shkatërron dhe neutralizon bakterien Streptococuss mutans e cila është përgjegjëse për prishjen e dhëmbëve dhe erës së keqe nga goja. Bakteria e “keqe” Streptococcus mutans ngjitet për sipërfaqen e dhëmbëve dhe prodhon një acid agresiv i cili shkatërron zmaltin e dhëmbëve. Me prodhimin e çamçakëzit të ri i cili do të përmbaj “bakterien e mirë’ të lartpërmendur do të bëhet i mundur luftimi i “bakteries së keqe” dhe parandalimi i kariesit (prishjes) të dhëmbëve.

Bazuar në  lajmërimet e BASF ky lloj çamçakëzi do të paraqitet nëpër super rmarketet amerikane në fillim të vitit 2007 dhe ka treguar rezultate shumë të mira në provat që janë bërë te një numër I caktuar i njerëzve, duke reduktuar numrin e bakteries streptococcus.

Po ashtu  BASFI po punon edhe në përgatitje e pastave dhe shpërlarësve të gojës të cilët do të kenë të njëjtin efekt si çamçakëzi.

Pa marrë parasysh duhet përmendur se edhe nëse përdoren këto zbulime të reja prapë duhet të mirëmbahet higjiena e gojës me pastrimin e dhëmbëve me pasta fluoride dhe perin për dhëmbë pasi që me këtë lloj çamçakëzi luftohet vetëm një lloj i bakteries që gjendet në zgavrën e gojës.

Shiqo gjithashtu:

Për të mirën e dhëmbëve tuaj harroni këto shprehi